!! إستـد بمينونــك لاييك أين عنه !!

السـلآم عليكم ورحمه الله وبركاتهـ

.

شحـآلكم عرب زآيد .. ربكم الا بخيـر وسهـآله

و علووم الصـيآم فيآكم و الأجواء الرمضآنيه =)

صرآحه كنت ضد انه رمضان يكون في أجازه بس عقب هالتجربه

اقوول الحمدلله .. الواحد يقدر يتعبد ويقدر ييلس فيا هله ويقدر يشوف عمره

هب لول كله كرآآآف و دكاتره ما يخافون الله فينا نقولهم رمضان الا هالبروجكت ورا الثاني

وكل واحد حاط في راسه ان الطالبه ما تاخذ الا عنده مساق ومتفرغه -__-

الله يستر عليهم بس ما فيه أحش خخخخخ

المهم اليوووم هالبوست كله عن مغامراتي من بدآيه رمضآن في المسييد

استغفر الله والله مابى ارمس بس يوم الشي زآد عن حده قلت لازم اطلع لي فخاطريه

حليله قليبي ما يتحمل >_<

أول يوووم

------------

الحمدلله أول يووم ماكان فيه أكشـنآت وآيد ..

كنت سآيره أنا وأميه بس و الخدامه ،، صليــنا في الحجره الصغيره لان المسييد عباره عن جزئين

الحمدلله كان شي خشوع ورآحه و تشجعت اني اكمل صلاه التراويح في رمضآن كامل في هالمسييد

بس مسكينه الخدامه غمضتنيه ،، كان شي فآصل بين الفرض و التروايح ..

ويبت قرآن قلتلها تعرفين تقرين .. !

قرت - بسم الله الرحمن الرحيم - و عقب قآلت بس ><

قلتلها كييييف بس .. قالت أول داخل بلاد في المدرسه أنا يعرف يقرآ شويه بس الحين نسيييت !!

تخبرتها كيف تصلي ..! قالت أنا معلووم شويه :: يعني السور الصغآر ::

يعني صدق نحن في نعمه .. انه عرب و مسلمين ..

نعرف نقرآ صح .. نعرف نصلي صح .. عندنا مطاوعه في أي شي نقدر نستفسر ..

يعني الحمدلله على هالنعمه .. و الله ينعم بها على جميع الأمه الاسلاميه

.

ثـآني يوم

-----------

تزهبت ومخلصه عاد بوَيه المسيد قبل ما ينترس .. والا تيي النشبه >_<

مريوم بنت خويه توها مخلصه صف ثالث ابتدائي ..و نشبت فينا و أنا أقوول  لامييه :شو إدور

وترد علييه أون حرآآم خليها تتعود وتخشع يمكن تهدآ شوي .. وانا ادريبها هاي ما بتهدى مشاااغبه وعنيده وراااسها ياابس

ما عرف ع منوه طالعه >> -__- أون ماعرف هههههه

بس أنا من استويت هاديه والله هع

سرنـآ و حدروا الحجره الصغيره عن الزحمه ..

وأنا قلت دام مريووم هنيه لو شووه يستوي هب مصليه عدالها وقلت لأميه بصلي برآ

وحصلت ربيعتيه وصليت فيـآها :))

يعني خطف اليووم ولله الحمد ما فيه مفأجآت وايد .. 

بس كنت أنقهر من حشره المفارخ

ثالث يوم

-----------

يلست أمدح لختيه الصلآه .. وقولها دام الله ما كتب نسير العمره خلينا نسير المسييد

والله احساس غيير وما شالله المطوع قرآيته فنانه .. قاالت شوورج وهدايه الله

والنشبه مزهبه عمرها قبلنا كلناا وياالسه تتريااا

قلت لاا حووووول عاد ما بعترض لأني اصلن ماصلي عدالها هع

سرنا وقلنا بنصلي داخل .. قلت عاد بسير فياهم عسب نصلي رباعه ونظهر مره وحده

وليتني ما فكرت جييه >_<

من نخلص ونسلم اتلف علييه وتبتسم >> جنها أول مره اتشوفنيه 

وعقب ع وقت الاستراحه .. الواحد بيستغفر هيه ماااشي 

سووااالف ولازم اطالعها واقوولها صكتي شويه حشره 

وبصووت عالي عمووووه محد يسمعنا ويين تلاقوني انا عاااد افتضحت

جدامنا عيووز وحرمااات .. قلت بتجاهلها 

بس ماشي فااايده .. 

والا نفس الحاله تلف وتضحك 

ويوم شافت اميه يلست تعبت ما رامت توقف وصلت ركعتين ونشت

الاخت حضرتها اون تعبت ع آخر الصلاه ويلست

عاد ليتها يلست ركعه ركعتين .. عيبتها السالفه هههههه

ع الركعه الرابعه يرتها أميه من يدها وخلتها توقف هههههههههههههههههه

دوآآهاااا ^__^ أسميني فرحت هع

عيل يوم هيه يالسه اطالع الزوليه وتيلس ترسم استغفر الله ماعرف شو هالصلاه

ولا تخلي الواحد يركز 

وصلنا ع وقت الدعآآ في صلاه الوتر

الخلق متأثرين واللي يتصايحن واللي يدعن يعني كلن فحاله

وانا الله يسلمكم احاااول اركز هب قااادره

الاخت استغفر الله اونها تصلي ومجبله صووبي .. اففف من هالحاله جاني الا اتريااا الدعااا !

وتمت اطالعني وتبتسم وتلف ع اميه وع ختيه ما خلت حد

وانا احاول اجاهلها .. بس وين ما خلتني لييين ما ابتسمت استغفر الله

ومن طلعت قلتلها لااا تحلميين انيبج مره ثااانيه >_<

رابع يوم 

----------

هالمره كلهم خلصووا الا انا بعدني أتلبس .. راااعيه طوويله تراني هع

طلع بوجسيم بيودينا عقب حيله ومووت طبعآ ..

يبا يصلي في مسييد الشعبيه لأنه ما يطول هههه و هذا راي الأغلبيه الله يهديهم

المهم ودانا .. و الاخت الكريمه أصرت وسااارت فيانا -__-

بس هالمره قلت لااااااا وكلاااااااااا وأبدا ما تيلس عدالي

قلتلها سيري فيا يدتج وانا وختيه دورنا مكان خالي ويلسنا فيه

آآآآآآآآآآآه وهنيه تيي قصه عنوااان هالبوست هع هع

يلست عدال وحده زلمه الله يستر عليها

عاد اللي قهرنيه بناتها ماشالله هب صغااار وحده يمكن

ع 6 سنوات ووحده 8

طفررررربي مريوووم طلعت أرحم بوااااااااااااااااايد ع الاقل بقولها جب بتسكت >> عقب شووه !

هالبنت ما قصرت الا عاقه تليفون امها جدامي ومره عاقه كلينكس >> وين تبييييييين

وانا افكرر اقول استغفر الله الحين كيف بسجد >_<

و عقب الا تسوولف فيا ختها

وفجأه تقول بتصلي وتلصق فيييه

الله والصلاه عاد تيلس اطلع اصوات غريبه يا انها تصفر او شوه ماعرف اوصف

بس اونها يالسه تقول سبحان ربيه العظيم

والله كلمه طفررررررره شويه

ختيه حشرتني عسب نغير المكان بس انا قلتلها لااا

ما بى أحرج الأم .. يعني أكيد بتفهمها ..

بس وييين يوم وصلنا ع الشفع والوتر فضى مكان جدامنا ويريت ختيه وسرنا

قالت توج قلتلها كله ولاا الدعااا اللي ما تهنيتبه من ييت هالمسييد *(

المهم طلعنا ندور خوويه عسب نرد .. اندوره اندوره ما ريناه

ولااا وحده يايبها فياه تليفون ! ! الحين شوو الحل

 أميه ما تحملت ويلست محتشره قالت يالله قبضن الشاارع

أنا و ختيه شوووووووووووووه

قالت بنرد مشي ... يعني هب قرييب المسيد من بيتنا بعيييد بس أنا عندي عآآدي :)

متعوده كل يوم امشي ع الجهاز يعني اللياقه موجوده >> حلفي انتي بس P:

مشيينا ومشيينا كان شكلنا نكته .. اللي يخف من سيره يتحرآنا طلابات هههههه

يعني وين يبن حرمات يمشن بشيل وعبي ونقابات -__-

ما تركب أبدآآآ هع هع

واميه شويه تيلس ع الرصيف تلوومت فيها الصرآآحه وقلت بتلقى دواااك يوم برد

و وصلنا بالسلامه شعبيتنا ويحصلون راعي الدكااان

أميه تبا تبرد ع صدرهااا وطلبت فيتامين سي =)

قلت الللللللله ما قد وقفت عند الدكان >> الكل مستحر و معصب واانا كوول

قلتلهن شفتن عااد المشي و الرياااضه شوو تسوي ماااتعبت وانتن يالله يالله شالات بعماركن هع هع

>> متفيجااات لنصايحيه في هالوقت !

وطلع خويه مسكين مظلوم .. هيه كانت تباه يحن علينا وقالت برايك بس وصلنا ونحن بنرد مشي

بس هوه بعد ما صدق من قالتله جيه سييده سيره صوب الصناعيه >_<

ماعرف شوو فيها عدل غير الجاهي حليب P:

خامس يوم

-----------

اللي هوه اليوووم ..

الحمدلله الحمدلله أول مره ما تسير فيانا مريووم

بس والله مريووم طلعت ملآآآك اهئ اهئ

من بدينا صلاه وما شالله الفروخ مسوين قروووب عوود وراا

من بدينا وانا اسمعهم يتكركروون ويراابعوون

يعني ماشي خشووووووووووع

كل مانخلص ونسلم اصد صووبهم واطالع بس قابضه عمريه

والمشكله كل الحريم متأذيات مساكين

انقهررررررررت وين امهاتهم والله هب زين

يعني الصلاه فالمسييد هب فرض ولو صلت في البيت أبركلها ولا انها تأذي خلق الله جيه

قبضت عمره ع الفرض و 4 من التراويح

عاد هذا كله عقب ما سمعت الكروك و حجره ورقه مقص

جان تذكرون هالالعااااب

قلت لاااااااا عاد ما بسكت

واول ما سلمنا سرت صووبهم واحصل بنات شويه كبار

حاولت ازخ عمريه عسب ما يتروعن .. قلتلهن منووه مسوي هالصدعه

قالن هالصبي والبنات الصغار سرت صووبهم والله استحيت

يعني بوو 3 سنواات شو بقووله بهزبه مثلاا وبعدين شوو بيسوي ما يفهمووون

قلت الشرهه هب عليك والله >_<

و رديت صليت واسمع نفس الازعاااج واول ما سلم شليت بعمريه وقلت بسير حجره العيايز أبركليه >_<

صدق صدق حسيت انه ورانا يا حضانه او حديقه أو ملعب شي من هذااا

يعني صدق نصييحه !

اللي تعرف اي وحده تسير المسييد وتشل فياها عيالها تنصحهاا

البيت أخيرلهااا والله ^_^

نصيحه ثانيه !

يمدحونه المشي في الصيام يعني حاولوا تمشون قبل الفطور

بنص ساعه أو ساعه

والمشي ما بياخذ أكثر من 15 دقيقه الى 30

يساعد انه يحمي الجسم من

مرض الضغط

القلب

والسكري

^_^

وحاليـــــآ افكر اسير بآجر ولا أكمل فالبيت

بس 95% أكمل في البيت :]

وبس هاي مغااامراتي >> في ذمتكم ما تستحق اني اسميها مغامرات P:

ربيــه يحفظكم