εïз - - - Chicken Masala - - - εïз

الســلام عليكم ورحمه الله وبركاتهـ ..

صبــحكم الله بالخيـــر و الطــآعه

أخيــرآ وفيت بوعديه ونزلت الطريقه ..

طبعا التصويت كان على هالوصفه أكثر من السويت .. شي فالبلوق وشي في  buzz

هذآ الشكل النهائي .. عسب أشجعكم

وبتشوفون الوصفه كيف سهله ... !!

* ضغطوا ع الصور عسب يوضحن أكثـــر

بسم الله

المقادير :

صدور دياي ..

بصل مقطع صغير

ثوم وزنجبيل مهروس

كزبره مفرومه

البهآرات >> أهم شي ^^

-------------------------

1 م كمون

1 م ك بهارات الماسالا >> بتلقونه في كارفور صوب البهارات - الماركه الهنديه يمدحونها هع -

1 م ك بهارات مشكله >> بزاركم

نص م ص كركم

مسحوق الفلفل الأحمر الحار >> تحذروا منه واايد حآر

1 م صبغه حمرا >> أنا ما حطيت منها

روب

كريما سائله

قشطه

.

* م ك : ملعقه كبيره

* م ص : ملعقه صغيره

. 

---- < الطريـــــــــــقه > ----

- نخلط مكعبات الدجاج مع البهارات

- نضيف صلصه الطماطم

- نضيف 2 ملعقه طعام روب

نحطها في الثلاجه فتره أو يوم كامل

>> أنا ما حطيتها سويتها في نفس الوقت ^__^

يعني عن العيازه P:

- نخلط الروب و القشطه والكريما زيييين

Cuuuuuuuuut

عاد هنيه حدر البشكار و خرب عليه انسجامي و قطع حبل أفكاري

وسرت دسيت الكيمرا مافيه أستوي حديث الهنود فالشعبيه لوول

وغير هذا معاناه الحر لأنه متعودين نتغشى عن البشاكير ..

>_<

أدريبكم بتعرفوون تصرفوون أموركم بدوون صور هع

.

.

عـــــــــــدنـآآ

- نحط زيت فالجدر و نضيف البصل لين ما يغدي لونه ذهبي > أون

- نضيف الثوم و الزنجبيل والدياي ونخليه لمده 10 دقايق لين ما ينضى الدياي

- نضيف خلطه الروب و الكريما والقشطه ونحركه زييين

- نغطيه و نخليه لين ما يتشرب الدياي المكونااات - 10 دقايق تقريبا

.

و هنـــــــــي و عآفيه

شو رآيكم .. الوصفه سهــــــــــــــــــله ولا صعبه !!!!

و طعمهاا روووعه بشهاده الكل... و للأمانه أنا ما سويت العيش هع

بس حطيته منظر فالصوره ^__*

.

فــدآآآآآآآآعت الله