عقب المجد اللي كان معرووف للعرب و المسلمين طبعا في سالف الزمان ..
عقب عصور الفتووحات
عقب عصوور الاختراعات و الكتابات العربيه الاسلاميه
و عصور الاكتشافات
و معرفتنا أن العلماء أغلبيتهم عرب و مسلمين !!
شو حـآلهم اليوم .!!!
من تقليد لـ تقليــد
أو نقدر نسميه .. تقليـــد أعمي
لا فيه معايير تقايس الاختلاف في
الدين
في العادات
في المعتقدات
في كل شي
بس اللي نعرفه نقـــلد تقلييييييييد أعمى
تراه معرووف ماشي أسهل عنه
ليش أصدع راسي و أضبط وأعدل حسب معايير بلادي و ديني
المهم الشي اللي بسويه يحصل شهره تهز العالم العربي
يحصل جماهيره
يحصل متابعينه
و يحصل فلوسه !
ما قول عن هذاا إلا منتج فـــآشل .. و عقآبه عسير
إذا كان له ضميـر بيلقى عقابه فالدنيا قبل الآخره
طبعـآ الكــل سمع عن برنامج المواهب أو اللي قلنا انه فيرجن عربي
لكن عنوانه بالانجليزي
Arab's got Talent
هو طبــعآ تقليد أعمي لبرنامج America's got talent
هم أخترعوا البرنامج وحددوه لبـلآدهم و البرنامج شل أسمها
لكن نحن معروفين بالحب و التعاون بينا فسميناه " عرب "
يعني جمعنا العالم العربي كله ..
ما بنكــر اني كنت من متابعينه .. كنت أبـآ أشووف صدق شو المواهب اللي عندنا
لقــيت الأغلبيه ضايعه عندهم الهويه العربيه ّ!!!
و أكيد هب الكل
الأمثله وايد ما تحصى
مسوين فرقه .. و الموسيقى أجنبيه !!
يعزف و الموسيقى أجنبيه !!
يرقصون .. و الرقص أجنبي !!
يعزفون و العزف أجنبي !!
أووبرآ .. بس غير .. أجنبيه !!
المذيع و المذيعه .. متحيزين للرمسه الأجنبيه أكثر
يعني الثيم تقريباا أجنبي !!
و ني للنقطه عاد العجيبه عند العرب .!
حليلهم لجنه التحكييم مستحييل يتفقوون ع رآي
شويه وبيضاربون جدام الجمهور هع
مرات أحسهم أوكي .. مرات أحس انهم ما وصلوا لدرجه البروفشنال !!
علي : لا أنا ما بحب هالنوع من العروض وسيده لاااا
ياخي عطه فررصه انزين .. هم يايين بيجوفون شو ذووقك وبيقدموون ع أساسه !
صدق كان يقهرنيه
عاد و الأحلى .. مع القووم يا شقرااا
اثنينه وافقوا لازم الثالث يوافق ولا بياكلون فواده هع
اذا جافوا المتقدم بيصيح .. لأ حرام ما بنكسر بخاطره !!
ليش وييين نحن هيئه الشؤؤن !
لا واللي يقدم عرض وودك تفلعه بنعال : كرمتوو :
و شو نحصل تعليقهم !
>> ما بيضرر شي لو عطينااه فرصه ثانيه
فرصه ثانيه لواحد ما عرف يختار ألفاظه قبل لا يقدم !
ما استحى ولا قال البرنامج اتابعه فئات عمريه مختلفه !
لا و اياحدهم بعد .. وااثق بطريقه غلط X
هههه لا و الأدهى و الأمر ..
واحد يعترض من الحكام .. و الاثنين يقنعوونه يوافق
عاد مسكين افتضح شوو يسوي يطلع شرير جدام الجمهورمثلا ً ..!
سيييييده يغير رايه .. ماشي شخصيييه
.
عاد وصلنا للنهائيات ..
الصراحه يووم فلترو المشاركين عيبني
يعني اللي تموا كانت عندهم موهبه ..
بس اللي ضحكني المذيعه
تعييد و تزيد
ياا جمهوورنا و ياللي اطالعونا فالبيت طرشوا طرشوا طرشوا رسايل
عشان تدعمون اللي تحبونهم
>> طبعآ ما بينهون البرنامج لين ما يحصلون فايدتهم كلها من هالرسايل
يعني صدق حسيتها تطلب .. الجمله اتييبها عجيبه هع هع
مآ أنكـــر أن البرنامج كان ناجح على المستوى العربي
و مأ أنكر اني شفت مواهب صدق ما كنت أتوقعها موجوده
لكـن طريقه بث البرنامج .. و طريقه المشاركين
و طريقه العرب نفسهم .. ما دلت انهم عرب !!
طلع العالم العربي متأثر بس بصوووره هب طبيعيه
الجمهور .. المشاركين .. المسؤولين
كلهم تحسهم متأثرين !
هالشي اللي صدق يحز فالخـآطر
و الأدهى من هذاا .. البرنامج اليديد البديل له !
شي هب الا يحز فالخاطر .. يقطع القلب !!
بس بيكوون فالجزأ الثاني .. .
6 comments:
سلاااام :) …
من زمان عن مواضيع ونقاشاتج هع
صراااحة انا شفت النسخة البريطانية من هالبرنامج وجدا جدا رائعة
النسخة الامريكة منه "منحطه"
النسخة العربية "سخيفة جدا جدا"
ما أنكر ان في موااهب لكن مثل ماقلتي تقليييد أعمى من الجمهور للمتسابقين
بالرغم اني مدمنة افلاام إلا اني اكره الأفلام العربية.. لان ماعندهم سالفة .. يسوون اشياء لا تخصنا ولا تخص مجتمعنا في شي
وكانهم يتكلمون عن المجتمعات الغربيه ويلييت راكب عليهم بعد
شوفوا الفريج وشعبية الكرتون .. بالرغم من بساطتهن الا انهن نجحن.. لانهن مثلن حياتنا.. مجتمعنا ومشاكلنا
من الأخير
"لا تلبس ثوب مهب ثوبك"
>> فصلك اظبط هع
سياا
عشق الإمارات>> مال أول لووول
الحمدلله الله فكنــــي
مآ تآبعته
بس كنت أشوف الاعلآنـآت
والحلقه الأخيره اضني لي شفتهآ ومب كآمله اشوف شوي وابدل واشوف شوي وابدل
وهو صح الحركه تقليديه لشي بدو فيه الغرب
لو سوو بطريقه وابتكآر يديد أحلى بيكون يكمن
لآ وحآطين نفس الشعآر والتصميم خخخ وكل شي كوبي بيست بس عربي
حليلهم خخخ
يعطيج العآفيه على البوست ^^
هب تبطين نتريـآ اليديد دووووم
M!$s Ok
يـآ مرحبا وسهلآ
>> شو سلااام بعد!! حشى يالعيازه >_>"
هههه هيه مايوز انا عن التفلسيف والمناقشات .. شي ضروري فالحياه هع
هيه والله صدقج .. و فريج وايد عايبتني فكرته ^^
"لا تلبس ثوب مهب ثوبك"
>> فصلك اظبط هع
ثرج هب هينه العيوز هههههه
تسلميين والله ع التواصل .. و الكومنت ما عليه رمسه ^^
Samt♥AlbadoO
مرحبـــآ الســـآآع ~
>> أكيد ما بتابعينه .. أذكرت ايام الآي تي اذا شفت فلم ع التلفزيون مره فالاسبوع أفررررح خخخخخ
هههه هيه والله كله كوبي بيست فضحوونا!
الله يعافيج فديتج ..
أفاا علييج .. خلااص كل يومين بنزل بووست ..راده وبقوه ع قوولتهم هع
مشكووره ع التواصل الدايم ^^
شي مؤسف جدًا وآيــد..!
يوم كنت أشوف الإعلآن من زمآن قبل مآيبدون
تشوقت أعرف ووو أشوف كيف بيكون..؟!
اممم شفت كمن نص حلقة
والنهآئي
حلو .. بس مب مشرف .. وهذآ مب نحن ..!
صدقتي فـ كل شي..!
اممم
هم شو مفهومهم للـ موهبة..؟!
أحس إندمج مفهوم الموهبة مع مفهوم العرض >> الشوو
~_~
ولجنة التحكيم، على أي أسآس يآبوهم هم بالذآت..!
بصرآحة أنقهر من عنصرية عمر
أستغفرالله
يعني أي شي يخص مصر\أم كلثوم\ومآدري منووو
يتم محتشر عليهم .. ومعجب فيهم وإنتووآ وإنتووو
ووو وآيد أحسه يبآلغ
يعني مآدري شو هي المعآيير بالضبط اللي يقيمون عليهآ..؟!
هالبرنآمج نموذج من وآيد أشيآء
بس بعد
عآلمنآ العربي يمتلك بعض الحسنآت فـ المجآل الإعلآمي
>>> أجبر بخوآطرنآ اللي مآتنجبر..!
عيبني الموضووووووع
يعطيــــج العآفيـــة
تعآلوآ نفكر بفكرة برنآمج ونطرحهآ
شو رآيكم؟
HάķöØnã✿რätatã
هـــلآ والله ~
صدقج الاعلانات كانت شي يحمس بس انصدمنا بالواقع !
خص لجنه التحكيم وااايد كنت انقهر علييها .. بنقول نجوى مغنيه وعندها خبره عن الالحان و هالاشيا وساعد في اختيارها ..
أما الاعلامي !! و العميد في الجامعه !
ما عرف شو كان موقفهم من الاعراب !
و ع قوولتج التحيز العنصري كان وااااااااااضح من الكل .!
وشرات ما قلتي شي الزين والشين وهالبرنامج ما يعمم !!
امم يالله فكري و نحن بنساعدج Pp:
و ثااانكس ع الكومنت =)
إرسال تعليق