Third Day - Penang

صبــــاح الخيـــر ،،،

شحـــالكم ربكم إلا بخيـــر ،،،

عدنــــــــــــا ^^

مع ثالث يوم ،، و هو آخر يوم في جزيره بننق

يعني بالباجر الظهر سرنا المطار عسب نروح كوالالمبور وبنيلس فيها لين ما نرد الأمارات :)

.

اليوم ما شالله حسيت بنشاط والأخوه الأعزاء بعد نشوا من وقت ~_~

يعني أخيراااا بنتريق في الفندق هع

لحقنا ع آخر اللحظات يعني جنهم يقولون لا تاخذون راحتكم وتريقوا بسرعه لأنهم يبون يزهبون الغدا

حشى حد يتغدا من الساعه 11:00 am

يسد ريووقهم تحصلون الواحد شال لحم و اندومي بس فيها علوووم

خخخ هذا كله ع صباح الله خير ..

أنا سدنيه التوست فيا المربى ^^ لا وبعد عندهم جباب فيا عسل

يعني هب مقصريييييين من كل البلاد مسوين أكله هع

عقب ما خلصت ريوقي .. طبعا ماشي شغله قلت بصوور^_*

عقب طلعنا وقررنا نسير حديقة الفواكه ،،

امم فجينا الخريطه وقالوا شي باص يودينا لين الحديقه .. من باب التغيير وخص ان باصاتهم فاضيه ونظيفه

تمينا نمشي لين المحطه ويلسنا نترياا بس توني بقول بسم الله وبيلس وجان أشوووووووف

آآه باااسكن ،، اذكررررت ~M~ >> وعشان خاطرج سرت آكل آيس كريم هع

ويووم رديت لمكان الانتظار شفنا هالصيني و كانت المربيه مالته هنديه !

>> حتى الصينين هب هينين حطوا بشاكير لعيالهم

خطف باص .. باصين

اقولهم يالله الوقت بيضيع وينه .. بدأ التفلسيف وأون الباص لازم يكون رقمه 101 عسب نروح الحديقه

خطف .. قالوا زحمه ما نباه .. خطف غيره 10 قلتلهم بنركبه قالوا ما يووز

عقب يتنا هنديه وقالت تبون أي مساعده قلنالها وين نبا نسير وقالت ركبوا باص 10 >_< يعني راح علينا ولازم نترياه ربع ساعه أو أكثر ما يسوى والله

اقتنعنا انه نحن هب ويه مغامرات وتغيير هههه يعني وقفوا تكسي أبركلكم :)

والصدمه هندي اللي يسوقه ما شالله في كل بقعه منتشرين .. ما فيهم حيله

ما رتحت له حاشرنا بجهازه يرمس ربعه ويتفلسف قلناله بنسير صوب القطار قال صيانه قلناله حديقه الفواكه قال اوكي

بس مادري شو ياه خويه عقب ما مشينا شويه قاله هاه وين بتروح قال حديقه الفراشات أون انتوا قلتوا جيه

وأنا الموووووووووووت ولا احس اني مقصه .. انقهرت ويلست اتحرطم .. لا والاخ مقتنع ان نحن الغلطانين

خطفنا عدال مول قاله خويه وقف حليله قال بييب حايه وبيرد بس قلناله لااا ما بنسير فياااااااك >_<

عيبني هالمسرح في المول .. ديزاين ياباني ^^

حصلنا شويييييييبه غمضني الصراحه // وقال بوديكم وين ما تبوون

سرنا فيااه وفالدرب شفت هاللافته واذكرت Fabulous

^_*

وصلنا حديقه الفواكهـ ..

هالشيره عجيبه من داخل ورقها أصفر ومن برا أخضر ( سبحان الله )

فــــــــــــلفل ><

عقب تختارون شو تبون تاكلون من الـ Fruit

أنا استغربت من اليح .. عندهم أصفر × أحمر

وعصير فرش .. كان روووووووعه

أنا اخترت أناناس & كرز

خلصنا من الحديقه .. وقف الشيبه قرب بحيره وقالوا اتصوروا هنيه

نفس البحيره اللي حاطه صورتها قبل .. بس هنيه من زاويه ثانيه :)

عقب في الدرب الشيبه شكله ما يبا يردنا البيت حصل حديقه اسمها National Park

قال حوطوا فيها شوي بترياكم ..

فيها غابه ومرتبين ع اساس اللي يبا يدخل .. لازم تحطون معلوماتكم عند الرسبشن

قلت شكلهم يعرفون انه عادي حد يضيع داخل خخخ ما سرنا تمشينا من برا بس هع

خصلنا من الحديقه .. خويه قال يبا يركب باراشوت

هنيه أول ما أقلع هههههه ع قولتهم

لا يغركم المنظر بس تراه رطووووووووووووووبه

والله تذبح >_<
هاذوه الشيبه أخيرا قدرت أصوره

قلناله بنرد البيت خلاااااااااص متنا قال شي TOY Museum

قلناله ما نقدر حراااااااااااانين ..

والله ما سوالنا سالفه خطفنا عليه وصدق ما ندمنا انه سرناله

فيه كل ألعاااب الرسوم والأفلام .. ولانه حلوو قلت بحطه في بوست بروحه

لان الصور وايد في هالبوووست

يعني ترقبوااا زياره المتحف ليييييين ما ردينا الفندق ^^

معيشتنكم الجو هااه ^__*
.

.

See u SoOn

^^

Second Day in Penang

السـلام عليكم ورحمه الله وبركاتهـ ..~

.

مثل ما وعدتكم .. تكلمه للرحله :)

ثاني يوم في جزيره بيننق ...

طبعا عقب الرحله الطوييييله من دبي إلى كوالالمبور وعقب لـ بننق

ما رمنا انش الصبح والأدهى من ذلك هع ما سمعت أي صوت لأي منبه !!!

مع اني معرووفه أنش من أي صوت خفيف .. يعني كنت تعباااااااااااااانه

.

قررنا نسير ندور مطعم عسب نتغدا وعقب نقرر وين ممكن نسيــر ..

هالفندق شكله يحتفل بعيـــد ( الســـموووحهـ ) هع

خاطريه أعرف شو علاقه الأرنب بالبيــض !!

اخترنا بـيتزا هت .. لو أنه شي متعودين عليه بس ما كنا نبا نضيع وقت هع
استغررربت من هالحركه بس حلووه .. شو رايكم في البيبسي بس في حلته اليديده لووول

لـ curious شفتي نفعني الاتيكيت هناك ^ـ*

عقب ما تغدينا .. قررنا نروح ( حديقة الفراشات ) وطبعا بتكسي لأنها بعيده

مدخل المزرعه ...~

انتبهواا للترجمه لووول

( الفراشات ممنوع تمسك ) هع

وااايد حبيــ ت هالصوورهـ ..~

طبعا فالمزرعه هب بس فراشات شي بعد حشرات !

عقب ما خلصناا من حديقه الفراشات قالولنا صعدوا اليبل وبتحصلون بحيره

سرنا وتفاجأنا بالمطر أو نفاف بس هب شرات نفافنا هع

والحمدلله مسوين احتياطنا وشالين مظلات

هاي البحيــره ^^
حركـــــــــآآآت ^ــ*

عقب هاذيج الجوووله تعبناا وغير هذا خسنا من الرطووبه

رطووبتهم تذبح >_<

قررنا ناخذ استراحه قبل ما نسير الفندق

am DONE ^^

i will try my best to post new pic as possible as i can

take care all ... GOOD BYE

Malaysia Truly Asia........

مــرحبـآ الســآع ..~

فتره طووويله ما كتبت فيها ... طبعأ الأسباب وايد وأولهن العثره (الجامعه) ،، ما بقوول بالغت بس صدق ماخذه كل الوقت !!

طبعا ً عندنا أسبوع ما يسمى Independent week .. المفروض الطالب / الطالبه يخلصون شغلهم فيه ويدرسون يعني يرتبون أمورهم .. بس أناا كانت لي خطــــــــه ثانيه D : ~

رحلــه لــ (( مــــــــــاليزيــا )) تمتد من أول يوم أجازه إلى آخر يوم وهو الســـبت 11/4/2010
ما بطوول عليكم .. الصور بتعبر :)

وان شالله بحــاول أنزل صور كل يووم ......~

بسم اللهـ
.

بدآيه الرحله كانت يوم الخميس 1/4/2010

مطار دبي

آآآه كل ما شوف الصوره أذكر الفلم الحلو اللي ما كملته مع انه الرحله 7 ساعات !

... من القهررر

الله بلاني بفلبيني جدامي وكل شويه سدح الكرسي حسبي الله ع عدوه

والله من ركبت الطياره وانا بمووت من الرقاد .. طبعا كانت الساعه 4 الفير وغير هذا هب راقده

من رديت من الجامعه يعني كان تعب * تعب ..

أذكر من أشوفه جدم الكرسي أنزل طاوله الأكل بسرعه عسب انسدح وما مدالي رد وسدح كرسيه مره ثانيه >_<

الحمــدلله وصلــنا بالسـلامه .. ( كوالالمبور ) ~

طبعا ! رقاد وما شي رقاد عدل// نمشي ونحن مدوخين ><

والأخت < ما تدري بالمستجدات قلت الحين بروح الفندق وبرتاح

بس الصدمه طلعتلنا رحله ثانيهـ .. لجزيره بننق

من شفت الجوو هذا نســـيت التعـــــــــــــــــب :)

السووق الحره تقريبــا كله محلآت حـلاوهـ ^^


كان باقي ع الطياره الثانيه ساعتين ..صدق ملييينا هذاك اليوم ما حب أتريا وايد

وطلعت مواهب يديده في هالأجواء الممله ..

والله ما فيه حيله خويه >> عيبتني الصوره ^^

ركبنا الطياره الثانيه // بس كانت أقرب للطياره الشعبيه .. كلها ألوااان كل كرسي لونه غير

والمضيفات كانن لابسات لبسهم الشعبي .. يعني سون جوو ماليزي 100%

اليوم صدق قلنا ما بنرد سالمين .. مطبات هوائيه قووويه بس أول مره أمر في هالموقف

أحب يلسه الدريشه ومن حسيت بهالخضه صكرتهااا والكل مبين عليه انه ترووع

بس الحمدلله طلع درويل ووصلنا بسلاااام :)

WELCOME:)

ما شالله من حولنا .. ونشووف المطــر .. كان جوو رهيب :)

الحمدلله وصلنا الفندق بخير وسهالهـ ..

My room with my LUCKY number:)

من بعيد أول ما شفت 8 قلت محجوووووووز هع

هــذا كــآن يومي الأول .. وأتمنى أن الصــور عيبتكم

وقدرت أعيشكم الجو فيـآيه ^ـ*.

ترقبوا ْ~ الجزء الثاني مع ثاني يوم في جزيره بننق :)

فـدآعت الله

رحلهـ إلى طبيعة خـلآبهـ ْ||~

الــسـلآم عليـكم ورحمـه اللهـ وبركآتهـ ْْ~

صبـحكـمـ // مسآآكمـ الله بالخيـــــــــر ~

رحلهـ لم يمض عليها الكثـير .. فقد بدآت مع بدايـة إجازة عيد الأضحـــي ..~

أيــآآم وأســأبيـع لم تمح ذكرى أي يوم من هذه الرحلهـ .

فقـد كانتـ رحلهـ لبـلاد الطبيـعهـ أكثر مما هي عليه من تطور وازدهــآآر ..

لتشــعـر برآآحهـ ليس بعدهآآ راحه من بعد شـقآآء وتعب الدرآآسهـ أحببت أن تشــآركونـي هذه الرآحهـ ,.

متمنيـه لكمـ قضـآء وقت ممتع فالمشـآهدهـ و أتمنـى أن تصـلكمـ نبذه بسيطهـ عن محـآفظه مســـقطـ

كورنــيشـ مسقطـ .. ~ مشكلتيهـ ما حفظت كل منطقه شو اسمهـا ><
جـآنب من السـوق الشعبـي المقـآبل للكورنـــيش

عجــبتنـي الهندســه الطبيــعيهـ ... سبــحآآن الله

هنــيه أحلى رحــله بالطـــرآآد .. كان جوو رهيــــــــــــب

خططنا نخطف ع ولايهـ السيب وهيه ع الخط قبل ما نرد الامـآراآت ـ .~

سبـحآآن اللهـ طبيعه ســأأحره بمعني الكلمهـ فيــهــأأ قلعهـ بس المســآآفه وايد بعيدهـ و مبنآي الها دري ..

يعني أونه بتسهل المهمه وهنيه كان التحدي ان الكل يوصلها .. ووصلناها بس عقب ما هلكـنآآآ

لاحظوا في هالصورهـ .. هذا بحـر بس منفصل لقسميــن ،، سبحآن اللهـ ~

و ع وقت المغرب يلتحم الجزئين ويرد بحر واحدـ ..~ عاد اللي نسى عمره عند القلعه الله يعينه

لانه بيمشي في الماي و عادي يوصل لين الركـــ[ب ... يعني الحق ما تلحق ..

زاويهـ من سفينهـ تاريخـيه معروضه في هالبقعهـ ..~

لاحظــوا في وقت الغرووب كيف اجدم المــآي ..~

هنيهـ واقفه في نفس المكآآن ,.. بس المآآي بدآ يجدم أكثـــر // ســبحآآن اللهـ ~

خـــلصت الرحــلهـ ^^

وان شالله وُفقــت في توصــيل لمحـه بسيطه عن مســقطـ ^^

فـدآآعـــــــت اللهـ