نورت البلآد بوجودكم ْ~ واظلمت لي عدتو هب فيهــآ

 يـالله لا تكتب الحزن لإنسـآن

 ولآ تفجع مسلم بموت غآليه .. SH™

28/4/2o11

هالتـــآريخ ما بنســآه في الحيــآه ~ ردووا م السفر و ردوا سالمين غانميييين

عسى ربيه يحفظكم ويطول في عمآآآركم يا خواني =)

7 شهـور خطفن .. أو يمكن أكثــر !!

ولكــن يوم ترد الذاكره لهذاك اليوم أحس انه أمس ..~

يـآ شينه يوم توك تنش ع خبر شين .. و هب أي خبر

أقول لختيه شبلاج .. 

قــآلت :

 خويه مسوي حادث والحين كلهم سايريله بوظبي

فزيت و ترووعت ..

قالت رقدي رقدي مافيه شي .. قالوا حادث بسيط ..!

>> وأنا مشكلتيه أصدق بسرعه ما حب في هالأموور أفكر في أشيا شينه

لأني لو عطيت لأبليس المجال بيلعبيه شرق وغرب ><

سمعت رمستها ورقدت -_-"

نشيتـ محد فالبيت م الشباب ..تروعت أكثر

قلت لو بسيط ليش كلهم سارووو !

لمده يومين

تميت ع هالحاله أسمع طراطيش رمسه ..

بخير .. مافيه شي .. الحمدلله

أووكي ليش ما أرمسه هوووه !!

كل ما أرمس حد خاطريه أبغم وأقووولهم أبا أرمسه بس شي يربط لساني ..!

خطف يوم .. اليوم الثاني توني بقول بسم الله وبتغدا

أني اسمع .. لأ هو في العناريه

ما ناقشت حد .. نشييييت ولا كلت لقمه

يلست أهوويس ..

حد يقول بخير وحد فالعنايه شووو السالفه !

عزمت وقلت لآآزم أسير .. المشكله كان يوم الاثنين جدوليه متروووس

ويوم شاورتهم قالوا باجر بنخلي حد يخطف عليج

هدوووووء عام السياره طووول الخط ..حسيت هم الدنيآ كله في ويه خويه

ولا رمست ..

حسيت خلآص خانقتنيه العبره أبا الصدق ابااا اعرف شو حااالته

وصلنآ الدختر وسرنا صوب القسم لي حاجزينه

ارتحت قلت دام انه سرنا القسم يعني طلعوه من العنايه

دخلت البقعه مترووسه رياييل .. طبعا فالميلس

دخلت غرفه المريض ..

بس الشبريه خاليه ..!!!

والحرمات يلووس .. حسيتهن يمثلن ويسولفن عادي !

سمعت تفاصيل الحادث أكثر عن قبل

قالوليه ما تبين تشوفينه :-/

أنا الموووت منيه أبا اجوفه ومنيه مترووعه

قلتلهم لا هب سايره الحين من تخف الزحمه عنه بسير ..

خطف الوقت وتأخر الوقت .. قالوليه بنسيربج لأن يمكن يمنعون الزياره فليل

> يعني طلع صدق فالعنايه

طلعوني من القسم بكبره .. بديت أتروع أكثر و أكثر

قالوليه حدري .. حدرت ..وقلبيه طايح

خليتهم يجدموني

جفتهم وقفوا عند راس واحد

واحد لكنه هب غريب عليه

ملامحه هب متغيره

ماشي متغير فيه

ماشي كسر ! مافييه شي

تقرربت .. وانيه اجوف فوز فالراس ووايرت في كل بقعه

صراحه ما تحملت دقيقه أتأمله

قلعتهم وأنا هب في حاسيه

حسيت انيه في دنيا ثانيه

طلعت وخطر عليه أربع

طلعت امشي بسرررعه و لأ اسمع اللي يزقرنيه

مشيت ومشيت فالممر ولقيت زاويه شوي مختفيه عن الممر

يلست فيها و تميييت أصيييح 

ما حطيت حد بيخطف

ما حفلت أي حد في هاذيج اللحظه

صدق لحظه ما ودك يحسبها حتى عدووووك !!

لحقنيه وحاولن يهدني .. وانه بخييير ولا تتروعين

و ردينا القسم

طبعآ ماياني قلب أني ارد البيت .. قلتلهم لا جامعه ولا خرابيط أنا ببات فياكم

وبت فالمستشفي من يوم الثلاثا إلى يوم الجمعه

كل يوم كنت أسمع رمسه تعوور القلب ..غيبوبه !

غيبوبه !

ما صدقت .. كل ماحدر عليه أقراااا واقبضه أباه يسوي أي حركه عسب ما يقولون غيبوبه

صدق كان الأمل في الله موجود .. لو حركه لا اردايه نفرررح ونربع نخبر النيرس

 .!تقول لا هذا شي طبيعي .. ونرجع لخيبة الأمل

.

تعودت على الوضع .. وطلبت الله يطووول في عمره و يرده سالم غانم

أكثر وقت كنت اسيرله من 1 لين 4 الفير ..

ما حسيت بطعم الرقاد هناك .. شرات حال الانسان لي يترياا أي خبر يفرحه ولو كان صغييييير

بس يبا شي يفرحه ويفرح لي حوله

تعلمت وايد أشيا في هالفتره .. لو كانت صغيره

صح كان تعبان و في غيبوبه ولا يدري باللي حوله ..

لكن ربعه ما خازوا عنه .. وايد فرررحت لخويه

حسيت انه انسان خيــــر .. الكل يحبه

الميلس أبدن ما كان يخلى .. لا في نص الاسبوع ولا نهايته

القاصي والداني وصلنا

قلتلهم صدق لو معاريس .. هب يايين هالعرب كلهم

عرب انقطعت الاخبار عنهم من سنيييين .. وصلونا .. واتصلوو

حسيت الدنياا بعدها بخيــــــــــر

حسيت ان الواحد لو سوا خير في دنياه .. بيلقاااه ولا بيضيييييييع أكيد

حسيت ان الانسان في وقت الشده .. يرقب أي حد يسااانده ويوقف فياه .. ولو كان عدوووه كان بينسى انه عدو ّ!

حسيت الانسان في هالدنيا .. انسان ضعييييييف ماشي في يده يسويه

ما يروم يبدل حاله .. ما يرووم يسوي أي شي بدون ربه

 .

أكيد في هالحزن كله استوت مواااقف ما بنساها ..

كنا نضحك أو كنا نحاول نغير سبب يلستنا في الدختر 

المطبخ كان معروف خويه العود فيه ولا يفارجه

يسوي القهوه و الجاهي للرياييل 

طبعا قبل لا أسيرلهم

من سرت قلتلهم أنا بسوي القهوه .. قالوليه حاولي وبنجوف هههه

من تحدرين بيروووغج وبيقولج محد يعرف للخدمه غيري

حدرت أول مره .. كان خالي المطبخ

فجأه فج الباب .. قالي ختيه شو تبين شو ادورين

قلتله ماشي بسوي قهوه

ياني يربع ههههه

حطي فنيالين قهوه وقايسي المأ ع الدله

قلتله لا فنيالين وايد ما يبونها غليظه

تم يعاشيني يعني ماخلاني ع راحتيه ولا خليته ع راحته ههههه

من خلصت وزليتها فالدله

قلتله يالله عطني رايك .. يوم طعمها قال خدمتج فنانه

ومن هذاك اليوم يدخل يوايج عليه ويطلع

>>هههه خلاص عنده ثقه

أحدر ع الحرمات يقولن غريييبه كيف خلاج تخدمين فالمطبخ 

قلتلهم جافها خدمتيه هههه 

قام ايي صوبنا ويقول ختيه نشي نبا دله قهوه و دله جاهي

كنت استاااااااانس صراحه ..يعيبنيه يوم حد يأجل عليه هع

خطفن الايام .. صراحه كل يوم حسيته اسبوووع

من ييتهم الثلاثا .. الاربعا .. الخميس .. الجمعه

.. أخر يوم كان الهم فيه لأن سافروا للعلاج

ســـآروا .. وخلو البقعه خاليه .. لايمنا السامان وردينا لدآرنا

صرآحه أول فتره ما كانت هينه ع أي واحد من هليه

عووذ بالله حسيت العزا أهون  =[

يلسنا نرقب ونرقب ونرقب أي خبر لمده شهر و عشرين يوم

ولكن الحال ع ماهو عليه .. ماشي تغييير

لين عقب الله استجاب لدعاءنا .. ونش ورد للحياه

اللهم لك الحمد والشكـــر

في هالفتره .. عرفت صدق منوه الخويه لي أعتمد عليها

عرفت منووه لي أهمه

عرفت منووه اللي لي قدر عندها

والشاهد الله .. ما قصررررتن في ذمتيه

الواحد في وقت الضيق يبا الناس حوووله أكثر من وقت الرخا

مشكوووورين .. لكل اللي وقف فيايه

بـ مكالمه

بـ مسج

بـ دعاء

بـ أي شي

مشكوووورين وآآيد والله يعلم بالفرحه لي حسيتها يوم دريت الكل يدعيله

الله لا يعق مسلم في حزن .. ويعل أيامكم كلها سعاده

السمووحه منكم أعرف خسسسست لين ما نزلت هالبوست

بس صدق لأزم أكوون في مزاج يسمحليه أكتب

وشكلها الحمى كانت في وقتها :P

فداآعت الله



About me !!!

After Editing ..

Sitting outside with the kidZ & having a mug of Niscafè
It seems that they use me as a babysitter !! -_-

I hv an image but i can't upload it in blogger via Iphone :(

هههه بحول عربي ابركليه حسيت هندي يرمس فوق لووول

بس كانت محاوله عسب ما أنسى اللغه >_<'

 دووم كنت اقول اليهال الحين غير عن الأوليين بس اليوم تأكدت ان لوو تغيرت حياه الطفووله الحين بس لابد انهم يخطفون ع مراحل جديمه هههه

ياييني يربعون أون عمووه طالعي الدبه و أنا اوااايج و هذا ويهي @_@

 أون زخيت صرصووري !! لا و مدلعينهن بعد

 و آخر شي ظهرن خنافس صغاار ،، وووع

 يعني القلاعه موجووده موجووده في كل زمان و مكان هع

 المهم و الأهم لاحظت أمس ان شله البطاله احم قصدي الخريجات الجدد عندهم نفس الروتين

 و هو انهن كلهن مستغلينهن يسدن العيال هههه

صراحه استانسنا أمس خص فيا الدفاتر الصفر قصتهن قصه خخخخخ

 بس اللي انصدمت منه إن الافنت هب ماخذ حقه !!

 يعني الاسم أكبر من اللي كان موجود ،!!

اللي رمسوا فالمسرح ما ضافوا شي يديد غير شي نسيته و كانت معلومه يديده بالنسبه إليه هع

 التوتوريل كان واايد عادي ،، صح حسيته سهل و الكل يقدر يفهمه و اتوضحتلي اموور في اختيار الالعاب و غيره ،،

 بس بعد ما وصل لدرجه الابتكار !!

ع قولت البنات المهم سوينا رفرش لبعض المفاهيم الآيتاويه هع

و الموضووع الأهم

 هو ان قبل يوم حد يقوليه عبري عن عمرج أحسسسه شي صعععب و لين الحين !!

احس غيير العرب يوم يقيموونك بس بعد عندي قناعه ان محد بيقيمك اذا كانت علاقتك فياه محدوده !!

 او ما جربك في موااقف مختلفه ،، و نتيجه الفراغ قمت أدرس هالتصرفات هههه >> يووم اقولكم ماشي شغله هع

-اممم اللي أقدر أعبر عنه أكثر هوو شوو اللي  -أكرهه

* أكرهه الروتيــــن

{أحب التغيير في كل شي ،، حتى في حجرتيه لازم أغير مكان الأثاث

كلهم يستغربوون .. بس مشكلتيه بسرعه أمل .. حاليا ما قدر لأن الأثاث ثقيل هب شرات لول }

* أحب التجديد في كل شي

{ أحب أيرب أكلات يديده .. يعني يوم أحدر المطبخ لازم أسوي شي يديد

واذا عيبتهم أكله قد سويتها .. وأرد أسويها ما تطلع شرات أول مره :-/ }

{و خلاص خوانيه حفظوني .. من نطلب من مطعم سيده يقولون تلاحقي هذا يديد جربيه هع .. بس طبعاُ هب كل شي }

* ما حب أدور شي وما أحصله

أكره عمريه يوم أدور شي و ما احصله و يرووح تعبيه ع الفاضي ( خص أميه و المفاتيح ) مستحيل القاه في المكان اللي نعتته

* ما حب الحنــآنـ /هـ

 امووووت يوم حد يعيد الرمسه الا افوور داخلياً و طبعا عيال خويه هب مقصرين -_-'

يعني سمعت من أول مره خلااااص -_-

* ما حب التعبيل

صدددق ما داني حد يتعبل في ساماني ,,

امممم جني رمست وايد ..  ><"

.

فداعـــــــــــــت اللـــــه



- 1 - يــآ عـــيب الشـــووم :Pp

عقب المجد اللي كان معرووف للعرب و المسلمين طبعا في سالف الزمان ..

عقب عصور الفتووحات

عقب عصوور الاختراعات و الكتابات العربيه الاسلاميه

و عصور الاكتشافات

و معرفتنا أن العلماء أغلبيتهم عرب و مسلمين !!

شو حـآلهم اليوم .!!!

من تقليد لـ تقليــد

أو نقدر نسميه .. تقليـــد أعمي

لا فيه معايير تقايس الاختلاف في

الدين

في العادات

في المعتقدات

في كل شي

بس اللي نعرفه نقـــلد تقلييييييييد أعمى

تراه معرووف ماشي أسهل عنه

ليش أصدع راسي و أضبط وأعدل حسب معايير بلادي و ديني

المهم الشي اللي بسويه يحصل شهره تهز العالم العربي

يحصل جماهيره

يحصل متابعينه

و يحصل فلوسه !

ما قول عن هذاا إلا منتج فـــآشل .. و عقآبه عسير

إذا كان له ضميـر بيلقى عقابه فالدنيا قبل الآخره

طبعـآ الكــل سمع عن برنامج المواهب أو اللي قلنا انه فيرجن عربي

لكن عنوانه بالانجليزي

Arab's got Talent

هو طبــعآ تقليد أعمي لبرنامج America's got talent

هم أخترعوا البرنامج وحددوه لبـلآدهم و البرنامج شل أسمها

لكن نحن معروفين بالحب و التعاون بينا فسميناه " عرب "

يعني جمعنا العالم العربي كله ..

ما بنكــر اني كنت من متابعينه .. كنت أبـآ أشووف صدق شو المواهب اللي عندنا

لقــيت الأغلبيه ضايعه عندهم الهويه العربيه ّ!!!

و أكيد هب الكل

الأمثله وايد ما تحصى

مسوين فرقه .. و الموسيقى أجنبيه !!

يعزف و الموسيقى أجنبيه !!

يرقصون .. و الرقص أجنبي !!

يعزفون و العزف أجنبي !!

أووبرآ .. بس غير .. أجنبيه !!

المذيع و المذيعه .. متحيزين للرمسه الأجنبيه أكثر

يعني الثيم تقريباا أجنبي !!

و ني للنقطه عاد العجيبه عند العرب .!

حليلهم لجنه التحكييم مستحييل يتفقوون ع رآي

شويه وبيضاربون جدام الجمهور هع

مرات أحسهم أوكي .. مرات أحس انهم ما وصلوا لدرجه البروفشنال !!

علي : لا أنا ما بحب هالنوع من العروض وسيده لاااا

ياخي عطه فررصه انزين .. هم يايين بيجوفون شو ذووقك وبيقدموون ع أساسه !

صدق كان يقهرنيه

عاد و الأحلى .. مع القووم يا شقرااا

اثنينه وافقوا لازم الثالث يوافق ولا بياكلون فواده هع

اذا جافوا المتقدم بيصيح .. لأ حرام ما بنكسر بخاطره !!

ليش وييين نحن هيئه الشؤؤن !

لا واللي يقدم عرض وودك تفلعه بنعال : كرمتوو :

و شو نحصل تعليقهم !

>> ما بيضرر شي لو عطينااه فرصه ثانيه

فرصه ثانيه لواحد ما عرف يختار ألفاظه قبل لا يقدم !

ما استحى ولا قال البرنامج اتابعه فئات عمريه مختلفه !

لا و اياحدهم بعد .. وااثق بطريقه غلط X

هههه لا و الأدهى و الأمر ..

واحد يعترض من الحكام .. و الاثنين يقنعوونه يوافق

عاد مسكين افتضح شوو يسوي يطلع شرير جدام الجمهورمثلا ً ..!

سيييييده يغير رايه .. ماشي شخصيييه

.

عاد وصلنا للنهائيات ..

الصراحه يووم فلترو المشاركين عيبني

يعني اللي تموا كانت عندهم موهبه ..

بس اللي ضحكني المذيعه

تعييد و تزيد

ياا جمهوورنا و ياللي اطالعونا فالبيت طرشوا طرشوا طرشوا رسايل

عشان تدعمون اللي تحبونهم

>> طبعآ ما بينهون البرنامج لين ما يحصلون فايدتهم كلها من هالرسايل

يعني صدق حسيتها تطلب .. الجمله اتييبها عجيبه هع هع

مآ أنكـــر أن البرنامج كان ناجح على المستوى العربي

و مأ أنكر اني شفت مواهب صدق ما كنت أتوقعها موجوده

لكـن طريقه بث البرنامج .. و طريقه المشاركين

و طريقه العرب نفسهم .. ما دلت انهم عرب !!

طلع العالم العربي متأثر بس بصوووره هب طبيعيه

الجمهور .. المشاركين .. المسؤولين

كلهم تحسهم متأثرين !

هالشي اللي صدق يحز فالخـآطر

و الأدهى من هذاا .. البرنامج اليديد البديل له !

شي هب الا يحز فالخاطر .. يقطع القلب !!

بس بيكوون فالجزأ الثاني .. .

Your FAV website on ur IPhone desktop

 ~ موقعكـ المفضـل عً شاشه الآيفون



الســلآم عليــكم و رحمــه الـلـــه و بركــآته

.

.

شحـــآلكم عرب مدونتيــــه .. ربكـــم إلآ بخيــــر !!

^__^

واللهـ تووولهت ع بلووقي وآآيد :")

و يقولكمـ من طول الغيــبآت ياب الغنـآيم .. هع

و قلت لازم ردتيه اتكون بشي مفيد .. ^^

درس قد شفته قبل وعيبني .. وحسيت ان ممكن تستفيدون منه

و الصـور من تطبيقي الخـآص ..

إن شــألله يعيـــبكم =)

-......-......-.....-.....-......-......-......-.......-.......-

[  1  ]

أول شــي ندخل من ســفآري الموقع اللي نـبآه ع الديسك توب

طبـعآ يفضل انه موقع تدخلونه دوم .. يعني يستاهل يكون ع الدسك توب عسب

تدخلونه بسرعه بدون ما تضيعون وقت ..

أخترت الترجمه من قوقل ^^

[   2   ]

 عن طريق السهم اللي موجود في البار

نختــآر :

Add to Home Screen 

[   3    ]

هنيــه نحدد أســــم الأيـــقووونه

[   4   ]

و عقب ما خلصــنـآ .. الآيقونه ظهرت ع الدسك توب

:]

هنيــه سويت كمـن أيقونه

للجـآمعه << مـآبـآ أتفجج ههههه يعني مـثأل للمواقع المهمه هع

حق بلوقيـه

و بـلوقر أذا كنت ابا انزل بوست من التلفون



درس سهـــــل =)

أي استفســآرات أنـــآ حـــــــآضره ..

فــدآعت اللـــه